البارت الاول للكاتبه يارا عبد العزيز.

أسر :- بابا انا عايز أخطب 
مجدي :- و دي مين سعيدة الحظ بقى
فردوس:- هيكون مين يعني يا مجدي اكيد ملك مفيش غيرها صح يا أسر
كنت قاعده و سامعة كلامهم اول اما مرات خالي قالت اسمي مكنتش الفرحة مسيعاني كنت عايزة اقوم ارقص من فرحتي حمدت ربنا أن لابسة النقاب والا كانت ابتسامتي و تعابير وشي  عبرت عني قدام اسر حب عمري و اللي بتمنى اللي يجي فيه اليوم و ابقى فى بيته و مراته بس اتشنجت مرة واحدة اتشنجت ايه انا حسيت اني بقيت عاجزة حسيت ان قلبي وقف عن النبض اول اما سمعت جملته و اللي كانت

خد نفس عميق و اتكلم و كأنه بيستجمع شجعاته عشان يطلع كلامه بصتله بأنتباه وانا مستنياه يجي عندي ويعملي الحركة بتاعت اي واحد بيتقدم لواحدة بس لاقيته خالف كل توقعاتنا
أسر :- لا مش ملك دي طالبة عندي فى الكلية
سمعت الجملة وانا مش قادرة كانت كفيلة تخليني امۏت بجد حسيت ان لساني عجز عن الكلام مفوقتش غير على صوت خالي 

مجدي :- انت اتجنتت انت مش عارف انك مكتوب لملك بنت عمتك و جدك قال هتتجوزوا 
نفخ پضېق و هو بيتكلم بعـ،صبية 
:- بس انا مبحبش ملك و انتوا عارفين كدا كويس انا مش عايز غير روان و بس يا بابا
اول اما قال الاسم مقدرتش اتحكم فى دموعي اللي نزلت معقول معقول انتي يا روان صاحبة عمري اسر عايز يتجوزك مكنتش قادرة اقعد و اسمع كلامه تاني قومت بسرعة قبل ما يلاحظوا دموعي
ملك بصوت مخنوق وهي كاتمة دموعها جواها 
:- عن اذنكوا انا هنزل عشان معياد دوا جدو هو بينسى ياخده
مجدي :- ملك يبنتي 
ملك :- متقولش حاجه يا خالي كملت و انا ببص لى اسر اللي كانت عيونه حاسة بالذنب ناحيتي
ملك :- مبارك يا ابيه ربنا يكملكوا على خير 
اسر :- و الله بحبها اوي يا ملك غصپ عني انتي اكيد هتفهميني صح 
مكنتش قادرة حتى ارد عليه قلبي من كتر دقاته و حزنه مقدرش يعمل اي حاجه غير اني ابتسمت ابتسامة خفيفة